Челзи уште еднаш потврди дека нема квалитет да се бори за титулата во Премиерлигата, откако на свој терен одигра само 2:2 против Борнмут во меч од 19 коло на англиското првенство. На половина од шампионатот, Челзи има големо, двоцифрено заостанување во однос на лидерот Арсенал, но и второпласираниот Манчестер сити, па јасно е дека премија за овој тим ќе биде ако заврши во Топ 4 до крајот.
Борнмут уште на стартот најави дека е дојден во Лондон да не загуби и преку Брукс поведе со 1:0 во шестата минута. Челзи брзо се врати во игра и со погодоците на Кол Палмер од пенал во 15 минута и на Енцо Фернандес во 23 минута направи целосен пресврт и поведе со 2:1.
Борнмут не се предаде и со голот на Клајверт стигна до 2:2 во 27 минута. Интересно е дека овој резултат не се менуваше во следните нешто повеќе од еден час игра, па на крајот двата тима освоија по еден бод.
Со 2:2 заврши и дуелот меѓу Вест хем и Брајтон, додека четири погодоци имаше и на мечот меѓу Барнли и Њукасл, но таму гостите славеа со 1:3. На гости се радуваше и Евертон кој со 2:0 го победи Нотингем Форест.
