Преминот на Николас Џексон од Челзи во Баерн Минхен под наем, вреден 15 милиони евра со опција за трајно купување за 65 милиони, најверојатно нема да се реализира. Причината е сериозната повреда на Лијам Делап на лондонското дерби со Фулам, што ќе го задржи напаѓачот надвор од терените од шест до осум недели.
Челси одлучи да го стопира трансферот, со оглед дека остануваат со ограничени опции во нападот, особено по заминувањето на Кристофер Нкунку во Милан. Одлуката била поддржана од менаџерот Енцо Мареска.
Иако Џексон и неговите агенти веќе отпатуваа кон Минхен и се надеваа на трансфер, Челзи не дозволува медицински прегледи и бара фудбалерот да се врати во Лондон.
Во меѓувреме, Баерн разгледува алтернативи, а главна опција е напаѓачот на Лајпциг, Лоис Опенда. Сепак, агентот на Џексон и управата на Баерн продолжуваат да се обидуваат да го реализираат трансферот, кој сè уште може да има драматичен развој до крајот на преодниот рок.
