Премиерлигашкото дерби помеѓу Челзи и Арсенал заврши нерешено, 1-1, исход од кој веројатно и двете екипи не се задоволни.
„Сините“ од Лондон во 38-мата минута останаа со играч помалку, откако Каиседо беше исклучен, но Арсенал тоа не успеа да го искористи, па Челзи во 48-мата минута дојде до водство од 1-0 преку Чалоба.
Сепак, Арсенал по само 11 минути успеа да израмни и тоа преку Микел Мерино, но не и да направат комплетен пресврт.
По 13 првенствени кола во Премиер лигата, Арсенал е во водство со 30 бода, пред Манчестер сити со 25, додека Челзи и Астон вила имаат по 24.
