Челзи ја доби битката за Лондон против Тотенхем на „Стемфорд бриџ“ со 1-0 и се врати на четвртата позиција на табелата во Премиер лигата. Дуелот што траеше повеќе од сто минути, заедно со судиското продолжение, донесе голема битка, а домаќинот стигна до триумф со голот на Енцо Фернандес во 50-тата минута.
Кол Палмер одлично нафрли од левата страна, а Аргентинецот се проби на вистинското место и успеа да ја погоди мрежата на Тотенхем со удар со глава.
До крајот беа постигнати уште два гола, но не беа признати по реакција од ВАР-собата. Каиседо погоди за Челзи, но по детална анализа, беше досудена офсајд ситуација, а потоа и Папе Сар стрелаше за Тотенхем, но претходно направи прекршок во зачнувањето на акцијата.
