Челзи потпиша преддоговори со двајца фудбалери на Спортинг Лисабон. Сините од Лондон ги ангажираа Џовани Кенда и Дарио Есуго за вкупно 74 милиони евра.
Кенда има 17 години и оваа сезона се истакнува во дресот на Лавовите. Дваесетгодишниот Есуго игра како дефанзивен играч за врска и во моментов е на позајмица во Лас Палмас.
Вкупниот финансиски пакет изнесува 74 милиони евра, при што Кенда ќе пристигне во Лондон во летото 2026 година, а Есуго ќе се приклучи една година порано, во летото 2025 година.
Есуго, за кого Челзи ќе плати 22,27 милиони евра, оваа сезона одигра 19 натпревари во сите натпреварувања и постигна еден гол. Од друга страна, Кенда (52,14 милиони евра) настапи на 44 натпревари, постигна два гола и забележа осум асистенции.
