Хрватскиот репрезентативец Матео Ковачиќ ги договори личните услови со Манчестер сити и во следната сезона треба да се пресели меѓу Граѓаните. Ова го најавува експертот за трансфери, Фабрицио Романо.
Челзи уште пред неколку месеци најави дека сака да го продаде Ковачиќ, а Сити верува дека Хрватот е вистински избор за шампионот на Англија. Комплетирањето на овој трансфер треба да биде финализиран по завршување на финалето во Лигата на шампионите, во кое Манчестер сити ќе игра против Интер.
EXCL: Mateo Kovacić has now agreed personal terms with Manchester City after advanced talks already revealed last week 🚨🔵🇭🇷 #MCFC
Kovacić wants the move, next step has to be between clubs as Chelsea and City will discuss fee after the UCL final.
Chelsea, open to sell Kovacić. pic.twitter.com/PKdCHsEL9B
— Fabrizio Romano (@FabrizioRomano) June 8, 2023
Ковачиќ ја започна кариерата во Динамо Загреб во 2010 година, а по две и пол години поминати меѓу Модрите, потоа направи трансфер во Интер. Две и пол сезони играше и кај Нераѕурите, а потоа заигра и во Реал Мадрид. Три сезони беше во дресот на Кралскиот клуб, а од 2018 година е дел од Челзи. Сега негова следна дестинација треба да биде Манчестер сити.
