Челзи со ремито од 1-1 на гостувањето кај Брајтон, се оддалечи уште повеќе од некаква борба за титулата во Премиерлигата.
Првпат откако Томас Тухел е тренер на Челзи, тимот има серија од четири лигашки мечеви по ред без победа, а два од овие четири меча се против Брајтон.
Брајтон е единствениот тим во Премиерлигата против кој Челзи сезонава прима голови со шут со глава. На 29-ти декември во Лондон погоди Дани Велбек, вечерва Адам Вебстер. Сега 12 бода изнесува разликата во однос на Манчестер сити, а лидерот има и еден меч помалку од Сините.
Брајтон не знае за триумф над Челзи уште од далечниот јануари 1933 година, кога овие тимови се сретнале во ФА купот. Серијата е 17 меѓусебни мечеви по ред.
https://twitter.com/i/status/1483549979008552964
