Ракометарките на Ѓорче Петров денеска го дознаа противникот во осминафиналето од третото по квалитет европско клупско натпреварување, Европскиот куп, а тоа е чешката екипа на Хазена Кинзварт.
Првиот натпревар од осминафиналето на Европскиот куп ќе се игра на 13 или 14 јануари 2024 година во Скопје, додека реваншот е една недела подоцна во Чешка.
Ракометарките на македонскиот шампион досега во Европскиот куп ги елиминираа екипите на Тиват и Ојпен, додека Хазена беше подобра од Винтертур и Вестфриесланд.
