Легендарниот индиски фудбалер Сунил Четри објави крај на репрезентативната кариера, последниот натпревар ќе го игра на 6 јуни против Кувајт од квалификациите за СП 2026.
Четри, кој во август ќе наполни 40 години, 19 години игра за националниот тим на Индија и на 150 настапи постигна 94 гола, со што е рекордер во својата земја и четврти стрелец на сите времиња во историјата на репрезентативниот фудбал.
Повеќе голови за репрезентација од него имаат постигнато само Кристијано Роналдо (128), Али Даеи (109) и Лионел Меси (106).
