Габриеле Чофи ќе биде привремено решение на клупата на Удинезе како тренер и ќе дебитира во сабота против Милан, а нашиот репрезентативец Илија Несторовски и Зебрите од Удине чекаат наследник на Лука Готи, кој доби отказ.
Се уште не се знае кој ќе биде заменикот на Готи, тренер што си замина по поразот од Емполи и по четвртиот меч во низа без победа на Удинезе.
За Несторовски смената на кормилото и отказот за Готи може да биде добро, бидејќи малку играше под команда на сега веќе поранешниот тренер.
Чофи му беше асистент на Готи и ќе се обиде да ја копира ситуацијата што ја имаше Мајкл Карик во Манчестер јунајтед неодамна.
Карик ги предводеше Црвените ѓаволи на три меча, по отказот за Оле Гунар Солскјер и успеа да забележи две победи и едно реми и си замина без пораз.
