Реал Мадрид го победи Атлетико со 2-1 во полуфиналето на Суперкупот на Шпанија во Саудиска Арабија, а мечот во Џеда донесе и неколку тензични моменти. Во центарот на вниманието се најдоа тренерот на Атлетико, Диего Симеоне, и Винисиус јуниор.
Во текот на второто полувреме, Симеоне постојано се обидуваше да го извади од рамнотежа Винисиус, а камерите го фатија како му вели:
„Вини, Вини, Флорентино ќе те избрка од Реал, запомни ги зборовиве“.
Diego Simeone telling Vinícius: “Florentino is going to kick you out” 😭😂 pic.twitter.com/6ANFXPb2UA
— BARCA STORIES (@DribbleVerse) January 8, 2026
Во 81-та минута, кога Чаби Алонсо го повлече бразилскиот играч од игра, се појави кратка турканица крај аут линијата и размена на зборови.
Главниот судија интервенираше и додели по еден жолт картон за Симеоне и Винисиус.
За разлика од претходни ситуации, овојпат Вини јуниор не реагираше на провокацијата.
