Екипата на Нотингем форест со 2:1 славеше над Астон вила во меч од 16. коло во Премиер лигата и со оваа победа тимот се искачи на четвртото место на табелата. Со 28 бодови, Нотингем Форест сега има само два помалку од третопласираниот Арсенал, а три помалку од Челси. Лидерот Ливерпул има 36 бодови.
Победата на Нотингем е посебно вредна затоа што тоа е остварена со голем пресврт и тоа во финишот на средбата. Дуран погоди за водство на Астон вила, но домаќините не се предадоа и до крајот направија пресврт.
Се играше 87 минута кога Никола Миленковиќ израмни на 1:1 и најави дека Нотингем е решен да ги освои трите бода.
Во 90+3 минута по една добра акција, Ентони Еланга ја затресе мрежата на Астон вила за огромна радост на домашните фанови и победа која некогашниот европски и англиски првак го смести на табелата пред актуелниот шампион Манчестер сити.
