Во интересна ситуација се наоѓа Дарко Чурлинов, македонскиот репрезентативец кој игра за Шалке 04 како позајмен играч од Штутгарт.
Денеска ќе игра на „Велтинс арена“ во Гелзенкирхен за промоција во Бундеслигата и ако Шалке 04 го победи Сент Паули сигурно се враќа во Првата лига.
Тоа би значело дека Даре би избегнал варијанта што не е невозможна и би му го скршила срцето, бидејќи постои можност Шалке 04 да игра и против Штутгарт во евентуален бараж за учество во Бундеслигата идната сезона.
Дербито со Сент Паули во претпоследното 33. коло во популарната Цвајта се игра од 20.30 часот, а на Шалке во одредена варијанта му одговара и реми.
Чурлинов сигурно ќе сака победа за да избегне потенцијален двомеч со Штутгарт, клуб од каде беше позајмен во Шалке 04.
Тимот од Гелзенкирхен е лидер во Втората лига со 59 бода, пред Дармштад и Вердер со по 54 бода и Хамбургер и Сент Паули со по 54 бода.
Дармштад има само еден меч до крај на првенството, а сите останати кандидати за првите две места имаат по два натппревари до крајот на сезоната.
Дури може да се случи и неверојатната ситуација, Шалке 04 да заврши како трет на табелата и Дарко Чурлинов да игра против својот клуб Штутгарт, ако петкратните германски прваци останат на сегашната 16-та позиција во Бундеслигата.
Третопласираната екипа од Цвајта и третата одоздола во Бундеслигата ќе играат бараж двомеч меѓусебе за последниот билет во германското првенств за идната сезона и во таков случај Чурлинов би требало да игра за тимот во кој е позајмен, Шалке 04 против клубот чиј член е официјално, а тоа е Штутгарт.
Се уште не се знае дали Дарко од идната сезона ќе игра за Штутгарт, или Шалке 04 ќе го откупи неговиот договор со сегашниот прволигаш.
MATCHBALL #S04! Schalke ist mit einem Sieg am Samstag gegen den @fcstpauli aufgestiegen! @f95 besiegt den @sv98 mit 2:1 und leistet die erhoffte Schützenhilfe. #F95SVD #S04FCSP
— Andreas Ernst (@AndiErnst) May 6, 2022
