Некогашниот српски кошаркар Веселин Петровиќ раскажа интересна анегдота од времето кога настапувал во Белгија.
Петровиќ, кој со репрезентацијата на Југославија стана европски првак во 2001 година, смета дека белгискиот куп е најтешкото натпреварување во коешто играл.
За да им се даде шанса на екипите од трета и четврта лига против прволигашите, имало правило според кое за секој Американец во составот, казната е пет поени, а и за секој ранг разлика, казната била уште пет поени.
„Првпат кога дојдов во Белгија, игравме куп против третолигаш. Се загреваме, во салата не се знае колку линии има за сите спортови и гледам на семафорот мечот почнува со 25-0 за противникот. Ние имавме двајца Американци, значи тоа се 10 поени казна, и за правилото од прва до трета лига уште по пет поени. Првите три напади задолжително ти даваат три тројки и на првиот тајмаут губиш со 0-34. Не знаете колку е мачно да стигнеш таква негатива колку и да си посилен“, раскажа Петровиќ.
Кај нас речиси секој прволигаш има по четворица Американци и кога правилото би се применило и во Македонија, би бил интересно на мечеви од екипи од прва против трета лига.