Играчите на Елче уште долго ќе жалат за елиминацијата од шпанскиот куп и пропуштија зицер за пласман во осминафиналето.
Мечот против Атлетик Билбао заврши нерешено, 1:1 во регуларниот дел, потоа немаше голови во продолженијата од по 15 минути и се изведуваа пенали.
Гарсија и Лопез не погодија во првата и третата серија за Атлетик и им оставија чиста ситуација на домаќините да приредат изненадување.
Елче водеше со 3:1 пред да стартуваат двете последни серии пенали, но се случи чудо и две утки на второлигашот, па потоа во продолжена серија на пенали Атлетик се пласираше понатаму.
Везга погоди во седмата серија за прволигашот, а Текио утна за Елче, па во Билбао се радуваат на пласман во осминафиналето во Копа дел Реј.
