Фудбалерката Алиша Леман го надмина Роџер Федерер и стана најпопуларна швајцарска спортистка на „Инстаграм“.
Федерер долги години беше недопирлив на оваа социјална мрежа со 11,2 милиони фанови, но од годинава таа титула му ја презеде 24-годишната атрактивна фудбалерка која има 200.000 фанови повеќе на „Инстаграм“ од легендарниот тенисер, а бројката од ден во ден постојано се зголемува.
Леман не е премногу активна на „Инстаграм“. Откако го отвори профилот на оваа социјална мрежа, објави 171 фотографија, а неколку од нив ја преминаа границата од милион „лајкови“.
Леман, која настапува за Астон вила, ја сметаат за најубава фудбалерка на денешницата, често објавува фотографии во костуми за капење.
Таа во фокусот на јавноста дојде откако медиумите во Англија во ноември 2021 година објавија дека Леман ја прекинала врската со фудбалерката Рамона Бахман и започна врска со играчот на Астон вила, Даглас Луиз.
На третото место на најпопуларни швајцарски спортисти се наоѓа фудбалерот на Арсенал, Гранит Џака, кој има 2,9 милиони фанови на „Инстаграм“.
