Македонскиот репрезентативец Дарко Чурлинов одигра уште еден одличен меч за полскиот тим Јагиелонија, постигнувајќи гол против Бетис во ремито (1-1) во реваншот од четвртфиналето на Конференциската лига. Бетис е тимот кој оди понатаму поради триумфот од 2-0 на првиот дуел во Шпанија и закажа полуфинален дуел со Фиорентина.
Дарко Чурлинов успеа да се запише во листата на стрелците во 81-та минута од вечерашниот дуел.
— Footballnus (@footballnus) April 17, 2025
GOAL: Churlinov levels !
Jagiellonia 1-1 Real Betis
pic.twitter.com/8NgErk8xK1
Само три минути претходно, Бетис поведе со голот на Седрик Бакамбу.
Фиорентина и Целје одиграа 2-2 на реваншот во Италија, но калчолигашот оди во следната рунда, со оглед дека славеше на гости (1-2) во Словенија. Мандрагора и Кин беа стрелци за Фиорентина, додека Марко и Неманиќ погодија за Целје.
