Мајката на Килијан Мбапе, Фајза Ламари, која се грижи за кариерата на одличниот напаѓач, сака да основа менаџерска агенција, и тоа не им се допаѓа на останатите агенти.
Ламари минатото лето успеа да го убеди својот син да потпише нов договор со ПСЖ, наместо да се пресели во Реал Мадрид, а сега има намера да основа менаџерска агенција, а освен Мбапе, прв клиент треба да и биде Ашраф Хакими.
Но, оваа идеја не им се допаѓа на останатите фудбалски агенти, и прв кој го крена гласот против Фајза Ламари и агентот на Ферлан Менди, Ив Ле Ме.
Ouch! This one hurts.
Imagine being told you don't know your job.
Mbappe's mum, Fayza Lamari, who doubles as his agent, has been brutally criticized.https://t.co/MoxTevv8nq
— Sports Brief (@sportsbriefcom) June 28, 2023
„Мајката на Килијан не може да биде успешен агент. Во реалноста треба да го знаете тоа што го работите. На пример, јас сакав да отворам ресторан, но не знам да готвам“, изјави Ле Ме кој смета дека кариерата на Килијан Мбапе би била поинаква доколку за него се грижел вистински фудбалски агент, а не неговата мајка.
„Има разлика во зборовите „се грижам за својот син“ и „ги нудам услугите на дваесетмина, 30-мина или стотина играчи“. Како агенти, ние сме луѓе кои ги завршуваат работите. Пред две години кога преговараше со Реал Мадрид, Мбапе покрај себе имаше агент, сигурен сум дека веќе ќе го носеше дресот на Реал. Тој сè уште е во Париз и очигледно е дека не е среќен што е таму“, додаде Ле Ме.
