Лука Дончиќ го претрпе најтешкиот пораз во дебитантската сезона во НБА, на гостувањето кај Бруклин неговиот Далас загуби со 127:88. Гостите парираа само во првите неколку минути од мечот, а кошаркарите на Бруклин до првата двоцифрена предност стигнаа кон крајот на воведната четвртина и од тој момент постепено ја градеа големата разлика.
Домаќините воопшто немаа милост, во еден момент водеа и со огромни +44 (119:75) благодарение на одличната тимска кошарка која ја приредија пред својата публика. Демаре Керол се истакна како најефикасен за Нетси, заврши со 22 поени, кај Далас најрасположен беше Повел со 20 поени. Дончиќ реализираше 16 поени, а скромен учинок имаше Новицки, само четири поени за повеќе од 19 минути поминати на паркетот.
https://twitter.com/BrooklynNets/status/1102760105664225280
ЛА клиперс го доби градското дерби против Лејкерс со 105:113. Во улога на гости, Клиперси му го нанесоа третиот последователен пораз на „езерџиите“, четврти на последните пет меча, па со тоа им ги намалија шансите да се изборат за плејоф место на Западот.
Одлична партија пружија Галинари и Вилијамс, кои реализираа по 23, односно 21 поен, додека на Лејкерси не им помогна ниту трипл-дабл учинокот на Рондо (24 поени, 10 скока и 12 асистенции), а ниту 27-те поени на Џејмс. Лејкерси сега имаат учинок од 30-34 на 18 меча до крајот на регуларниот дел од сезоната.
With ease.@TeamLou23 → @MONSTATREZZ pic.twitter.com/02sEX6Pzcc
— LA Clippers (@LAClippers) March 5, 2019
Мајами хит минимално славеше над Атланта хокс со 114:113 во мечот кој го одбележа рекордот на Двејн Вејд. Популарниот Флеш ја игра последната сезона во кариерата, а ноќеска ја запиша 1052-рата блокада и го надмина Мајкл Џордан на оваа листа како најдобар блокер меѓу бековите.
Вејд средбата ја заврши со 23 поени, односно како најефикасен од редовите на домаќините, додека ветеранот на Хокс, Винс Картер, беше најрасположен со 21 поен.
https://twitter.com/MiamiHEAT/status/1102741283108515840?ref_src=twsrc%5Etfw%7Ctwcamp%5Etweetembed%7Ctwterm%5E1102741283108515840&ref_url=http%3A%2F%2Fsportklub.rs%2FKosarka%2FNBA%2Fa269178-Novi-rekord-NBA-Vejd-nadmasio-i-Dzordana.html
Резултати НБА:
Бруклин нетс – Далас маверикс 127:88
Мајами хит – Атланта хокс 114:113
Сан Антонио спарс – Денвер нагетс 104:103
Феникс санс – Милвоки бакс 114:105
Јута џез – Њу Орлеанс пеликанс 112:115
Сакраменто кингс – Њујорк никс 115:108
ЛА лејкерс – ЛА клиперс 105:113