Канадскиот тенисер Феликс Ожер-Алијасим е елиминиран во третото коло од Мастерс турнирот во Синсинати, откако со 2:1 во сетови загуби од Џек Драпер од Велика Британија. Мечот финишираше со еден од најконтроверзните поени во историјата на тенисот, а Драпер на крајот се радуваше.
Британскиот тенисер имаше втора меч топка, кога се обиде со волеј удар да го заврши мечот, но топчето удри прво во земјата, а потоа се врати во неговиот рекет. Очигледно беше двократното одбивање на топчето, но судијата реши дека поенот е регуларен.
Иако Оже-Алијасим бараше да се повтори поенот, судијата остана доследен на својата одлука, иако дури и навивачите скандираа дека треба поенот да се преигра.
Драпер во четвртфиналето во Синсинати ќе игра против Холгер Руне.
