Напаѓачот на Милан, Златан Ибрахимовиќ, само што закрепна од една повреда, заработи нова, која може да го натера да одлучи да ја заврши кариерата.
Златан додека се загревал и се подготвувал да влезе во второто полувреме на вчерашниот натпревар на Милан против Лече (2:0), почувствувал болка во мускулот на ногата и го известил тренерот Стефано Пиоли дека нема да може да игра.
Според италијанските медиуми, поради новата повреда која е од потешка природа, сезоната за Ибрахимовиќ е завршена, а може да значи и крај на кариерата.
