Дали ЕХФ си даде автогол со новиот пехар за европскиот шампион? (Фото)
Стариот пехар кој Вардар го крена лани беше чуден, но имаше повеќе смисол од новиот.
Европската ракометна федерација, ЕХФ, го презентираше дизајнот на новиот трофеј наменет за победникот во Лигата на шампионите, и тој ќе биде ист за шампионите и во машка и во женска конкуренција.
Трофејот е топка која ја погодува мрежата, но истотака може да симболизира и гол во било кој друг спорт кој се игра со топка и гол. Само знакот на ЛШ на ЕХФ покажува дека станува збор за ракомет.
Дизајнот со направила една шпанска компанија, а изборот го правело жири составено од 27 луѓе од 12 земји. Главна карактеристика му е што за изработката се користени рециклирани материјали.
Во изминатите десет години, откако фајнал-форите се играат во Келн, европскиот првак креваше пехар кој беше во вид на рака која држи топка, и тоа повеќе асоцираше на ракомет.
