Лестер со 1:0 го победи Ливерпул во меч на кој гостите има за што да жалат. Ливерпул уште во 15-тата минута имаше шанса за погодок, кога беше досуден пенал за гостите.
Мохамед Салах, кој четири години нема промашено пенал во Премиер лигата, ја презеде одговорноста, но неговиот удар го одбрани Каспер Шмајхел. Во второто полувреме Лестер даде еден гол, и тоа на крајот беше доволно домаќините да се радуваат.
Како една од причините за тоа зошто Салах го промаши пеналот се посочува Џејмс Мадисон. Играчот на Лестер нешто му дофрли на Салах, и тоа непосредно пред голгетерот на Ливерпул да го шутира пеналот.
Salah owners, blame James Maddison. #LEILIV pic.twitter.com/x6wPP7kKEJ
— Fantasy Football Ninja (@FFNinja_) December 28, 2021
Иако јасно се гледа дека Мадисон се обидува да го деконцентрира Салах, тренерот на Ливерпул, Јирген Клоп, воопшто не верува дека неговиот играч бил деконцентриран.
„Мадисон сигурно нешто му кажа на Салах. Сепак, тоа не е проблем. Не може да го дефокусира Салах. Едноставно се случува и да се промаши пенал“, рече Клоп.
