Португалскиот репрезентативец Кристијано Роналдо пристигна во Саудиска Арабија откако потпиша историски договор со Ал-Наср до јуни 2025 година вреден 500 милиони долари, но веднаш се појавија информации дека нема многу да се задржи на Блискиот Исток и дека ќе се врати во Европа, но дали тоа е навистина точно.
Речиси сите медиуми објавија дека во договорот на Роналдо со Ал-Наср има специјална клаузула наречена „Лига на шампиони“ и е поврзана со Њукасл.
Наводно, според клаузулата, Роналдо би можело да се врати во Европа уште налето доколку Њукасл заврши на една од првите четири позиции на табелата во Премиер лигата и обезбеди пласман во ЛШ.
Шпекулациите се засилија бидејќи сопствениците на Ал-Наср се сопственици и на Њукасл. Но, луѓе блиски до Роналдо тврдат дека не постои таква клаузула во договорот.
Сепак, тоа не значи дека Португалецот ќе го одработи договорот со Ал-Наср до крај, туку тие очекуваат Роналдо да побара да биде испратен на позајмица во Њукасл доколку Чавките обезбедат пласман во ЛШ следната сезона.
