Напаѓачот на ПСЖ и на француската репрезентација, Килијан Мбапе, по завршување на сезоната ќе се пресели во Реал Мадрид, објави француски Фут меркато.
🚨⚪️ Kylian Mbappé (25) will be a Real Madrid player next season! An agreement has been reached in recent days, reports @footmercato/@Santi_J_FM. pic.twitter.com/CUZLS0tETX
— EuroFoot (@eurofootcom) January 7, 2024
Медиумот тврди дека по ултиматумот кој му го поставил претседателот на Реал Мадрид, Флорентино Перес, до 15-ти јануари да даде одговор дали ќе ја прифати понудата, Мбапе наводно потврдно одговорил иако пред само неколку дена изјави дека за тоа ќе размислува на крајот од сезоната.
Но, оваа вест не е потврдена од најрелевантните медиуми од земјите во кои се инволвирани двете страни.
Засега молчи највлијателниот весник во Франција “Лекип“, а тивки се и двата весници кои важат за блиски до Реал Мадрид, „Марка“ и „Ас“.
Доколку Мбапе на крајот од сезоната се пресели во Реал Мадрид, само за потпис на договорот ќе добие бонус од 130 милиони евра, а годишната плата ќе му изнесува 26 милиони евра нето.