Дуелот меѓу Реал Мадрид и Алмерија на кој Кралевите славеа со 3:2 предизвика бура во шпанскиот фудбал, започна „војна“ на релација Мадрид – Барселона, а сега медиумите долеаја масло на огнот.
Медиумите успеаја да дојдат до разговорот меѓу главниот судија, кој ја делеше правдата на мечот кој се играше во октомври минатата година меѓу Барселона и Реал Мадрид (1:2), и судијата во ВАР-собата.
https://twitter.com/JijantesFC/status/1750507178258006160?ref_src=twsrc%5Etfw%7Ctwcamp%5Etweetembed%7Ctwterm%5E1750507178258006160%7Ctwgr%5E0ecabb3f62c6b322c20ed24fc7aa94669e65effb%7Ctwcon%5Es1_&ref_url=https%3A%2F%2Fwww.klix.ba%2Fsport%2Fnogomet%2Fsudijski-skandal-potresa-spaniju-objavljen-razgovor-sudije-s-var-sobom-iz-el-clasica-zavrsili-smo-s-tim%2F240125124
Во фокусот беше дуелот меѓу Орелијан Чуамени и Роналд Араухо кога играчот на Реал Мадрид со две раце го држеше дефанзивецот на Барселона и не му овозможи да дојде до топката, но судијата не досуди пенал за каталонскиот тим.
„Сè на сè, тој го допира, го пушта и скока без негова помош. За мене, тука нема пенал. Завршивме со тоа Хесус. Ги става рацете на него, но тоа никогаш, никогаш не е пенал“, му зборува судијата во ВАР-собата, Гиљермо Фернандес, на главниот судија Хесус Хил Манцано.
Фернандес дури го оневозможил судијата на теренот Хил Манцано да го погледне спорниот момент и со тоа ја оштетил Барселона за пенал, која во тој период водеше со 1:0. На крајот Реал Мадрид победи со 2:1.
Спорниот момент од Ел класико може да го погледнете ТУКА.
