Дамите не го испуштаат врвот во Генералниот пласман на Спортска прогноза

Понежниот пол е поуспешен при прогнозирањето во двете јануарски кола кога почна пролетната трка за наградите на „Спортската прогноза“ на Спорт Манија, а лидер во Генералниот пласман и по второто коло е дама. И во првата рунда, најмногу погодоци имаше жена.

За редоследот во генералниот пласман се сметаат погодоците и од двата резервни пара. Очигледно дека жените имаат добро претчувство и се сериозна конкуренција за мажите, кои се многу побројни на листата на прогнозери кои учествуваат во трката за вредните награди.

По првата рунда во 2019 година, водеше Мери Звездакоска, која погоди 11 парови од популарната 13-ка плус двете резервни, но нема поени во второто коло, веројатно не играла, па сега челото го презеде Вецка Ѓорѓиева, која има 20 погодоци во првите две рунди. Ова покажува дека редовноста се исплати и носи поголема шанса за добар скор на крајот.

Зад Вецка е Горан Крстев со 19 погодоци, а никој нема 18, по што следуваат петмина со 17. Ова ветува возбудлива трка, која ќе заврши со конечен поредок во Генералниот пласман на осми мај годинава.

Засега во Генералниот пласман има 748 прогнозери, но не е доцна да се приклучите бидејќи разликите не се преголеми и неколку успешни прогнозирања во серија може да значат висок пласман и шанса за добивање на некоја награда.

Наградите се примамливи, првото место ќе го наградиме со електричен тротинет, а втората позиција носи награда велосипед „Capriolo“. Понатаму, сè до пласманот до петтата позиција, ќе се наградува со ваучери од илјада, петстотини и 300 денари.

Во продолжение проверете го својот и пласманот на сите учесници во наградната игра „Спортска прогноза“ и учествувајте во континуитет, секое коло, за што подобра позиција во Генералниот пласман.

Напомена: Во трката за Генерален пласман се сметаат и погодените резервни двојки.

ПЛАСМАН ПО ВТОРО КОЛО