Судот во Барселона одлучи да го ослободи Дани Алвес од притвор, со кауција од 1 милион евра, до конечната пресуда.
Поранешниот фудбалер на Барселона беше осуден на 4,5 години затвор за сексуален напад, а Алвес и обвинителството ја обжалија одлука, па висината на казната не е конечна.
Обвинителството се спротивстави на ослободувањето на Алвес наведувајќи го високиот ризик од бегство поради финансиските можности на играчот и изречената строга казна. Сепак, судот се согласи да го ослободи фудбалерот со кауција. Откако ќе се прими уплатата, на Дани ќе му бидат одземени бразилскиот и шпанскиот пасош.
Судот му изрече и забрана да се приближува на 1.000 метри од домот на девојката која наводно ја силувал, а не смее да се доближи ни до нејзиното работно место или кое било друго место каде што таа често оди.
