Кипарскиот прволигаш АЕК Ларнака, официјално објави дека со задоволство го продолжиле договорот со македонскиот дефанзивец Даниел Мојсов за уште една сезона.
Кавадарчанецот од летото 2016 година е член на „жолто-зелените“ од Ларнака, тим чиј капитен е Иван Тричковски. Инаку, Мојсов досега има 89 настапи за АЕК во првенството, 14 во купот на Кипар, еден во суперкупот, и 25 средби на европска сцена. Иако тоа не му е главна задача, Мојсов има постигнато и пет гола.
