Дарко Велковски пред камбек во Вардар?

Фудбалскиот клуб Вардар е пред официјализирање на договорот со македонскиот репрезентативец Дарко Велковски.

Неофицијално, враќањето на 30-годишниот Велковски во Вардар е веќе договорена работа. Тој играше за најтрофејниот македонски клуб од 2015 до 2018 година.

Велковски е дете на Работнички, а има богата интернационална кариера, играше за Риека, Ал-Етифак, Динамо Букурешт и Ниреѓихаза, каде што беше во вториот дел од минатата сезона, но одигра само три меча за овој унгарски тим.