Напаѓачот на Ливерпул, Уругваецот Дарвин Нуњез, бил незадоволен од раководството на клубот кое категорично одбило да го пушти да замине во Саудиска Арабија, тврди „Сан“.
Ал-Наср беше заинтересиран за услугите на 25-годишниот Дарвин, но Црвените им одговорија на Саудијците дека Нуњез не е на продажба по ниту една цена и одбиле понуда од 84 милиони евра за играчот. Според „Сан“, Нуњез е незадоволен од својата позиција во тимот и сакал да продолжи во Ал-Наср, па се лутел што не го продале.
Откако не успеа да го купи Дарвин, тимот за кој игра Кристијано Роналдо, потпиша со напаѓачот на Астон Вила, Џон Дуран, за 77 милиони.
