Појавувањето на Давид Алаба и Винисиус на денешниот тренинг на Реал Мадрид се добри вести за тренерот Карло Анчелоти со оглед на бројните проблеми кои ги има.
Алаба кој ги скина лигаментите во коленото на 17-ти декември минатата година, денеска првпат после дури 355 дена тренираше со остатокот од тимот. Анчелоти на прес-конференцијата рече дека Алаба би можел да заигра во јануари.
Што се однесува до Винисиус, неговата рехабилитација оди добро и ќе се врати порано од прогнозите (се зборуваше дека ќе може да игра најрано за финалето на Интерконтиненталниот куп на 18-ти декември). Тој не е во составот за утрешното гостување кај Жирона, но ќе биде во составот во вторник за гостувањето кај Аталанта во веројатно најважниот меч за Реал Мадрид до крајот на годинава.
