Бразилската фудбалска ѕвезда Давид Луиз (38), пристигна на Кипар, каде треба да потпише договор со клубот Пафос.
Пафос игра против Динамо Киев во третото квалификациско коло во Лигата на шампионите, и овој трансфер покажува дека се амбициозни. Давид Луиз долго играше во Европа, најпрвин во Бенфика, па во Челзи (со Сините ја освои Лигата на шампионите во 2012 година), ПСЖ и Арсенал, а до пред некој ден го носеше дресот на Форталеза со кој го раскина договорот.
На Кипар е пречекан со многу ентузијазам, фановите веруваат дека ќе биде големо засилување за тимот.
