Фудбалерот на Наполи, Кевин де Бројне, потврди дека бил подложен на хируршка интервенција поради кинење на бутниот мускул на десната нога.
„Поздрав до сите! Како што знаете, ќе бидам надвор од терените одреден период. Добрата вест е дека операцијата помина одлично. Моето враќање веќе започна! Ви благодарам за сите пораки!“, напиша Де Бројне на својот профил на „Х“.
Hi everyone, as you all know I will be sidelined for a while. The good news is that the surgery went perfect. My way back has already started! Thank you for all the messages! 💙 pic.twitter.com/r8VJ9ETqgg
— Kevin De Bruyne (@KevinDeBruyne) November 3, 2025
Де Бројне ја доби повредата за време на натпреварот од осмото коло на Серија А против Интер, кога беше принуден да го напушти теренот во 37-мата минута. Тој се повреди при изведување на пенал, постигна гол, но потоа веднаш застана и се фати за повредената нога.
Во тековната сезона белгискиот ветеран одигра 11 натпревари за Наполи во сите натпреварувања, постигнувајќи четири гола и запишувајќи две асистенции.
