Давид де Хеа е одличен голман и тоа почна да го покажува и во дресот на Фиорентина. Вечерва во Фиренца им одбрани два пенали на фудбалерите на Милан и го водеше својот тим до триумф од 2-1.
Мејк Мењан исто така одбрани еден пенал во чудесната пресметка, но на крајот Росонерите останаа без бодови на овој дуел.
Моисе Кин во 22-та минута не реализира пенал, откако Мењан успеа да го „прочита“. Сепак, Јасин Адли во 35-та минута ја доведе Фиорентина во водство.
Во 45-та минута, на сцена стапи Давид де хеа и го одбрани пеналот на Тео Ернандес.
Во 56-та минута Де Хеа блесна и при ударот на Тами Ејбрахам од 11 метри, но четири минути подоцна сепак Кристијан Пулишиќ успеа да го совлада од игра.
Алберт Гудмундсон со гол ја награди одличната партија на Де Хеа, постигна победнички погодок во 73-та минута и му донесе триумф на домаќинот.
