Газдата на Наполи и еден од најконтроверзните ликови во европскиот фудбал, Аурелио де Ларуентис, повторно имаше интересен јавен настап. Во разговор за „Спорт медијасет“, Де Ларуентис го изрази своето незадоволство од настапите на поголем дел од фудбалерите за националните репрезентации и ризикот тогаш да бидат повредени.
„По мое мислење, фудбалери коишто имаат 32 години и повеќе не би требало да играат во националните состави. Мислам дека ни оние кои имаат 28 години не треба да се во репрезентациите. Треба да му се остави избор на клубот да реши дали ќе му дозволи на играчот да замине на репрезентативни обврски. Треба да постои опција клубот да рече „НЕ“, на пример, ако се работи за пријателски натпревар. Ако сум го платил фудбалерот 50 милиони евра, а тој се повреди за репрезентацијата, клубот треба да добие финансиски надомест за секој ден кога играчот ќе биде надвор од тимот“, вели Де Лаурентис.
🇮🇹🗣️ Napoli owner De Laurentiis: “In my opinion, 32-year-olds should not play in the national team — but neither should the 28-year-olds!”
“The choice should be left to the club whether or not to send a called up player to the national team… the possibility of saying no if it… pic.twitter.com/pA8fcZm4Mj
— EuroFoot (@eurofootcom) October 19, 2023
