Реал Мадрид ќе го пречека Атлетико Мадрид утревечер на „Сантијаго Бернабеу“ во првиот осминафинален натпревар од Лигата на шампионите. Мадридските ривали се во трката за шампионската титула во Ла Лига, а сега ќе имаат и пресметка во елитното европско клупско натпреварување.
Играчот за врска на Атлетико, Родриго де Пол, истакна дека е возбуден како првиот ден во Атлетико и дека едвај го чека почетокот на дербито.
„Чувствувам големо возбудување, како да е мојот прв ден во Атлетико. Со истата желба што ја имав кога пристигнав, да го одведам тимот до важно место во Европа, почитувајќи ги неговите вредности и историја. Сите улоги имаат тежина, а најголемата сила е колективот – така се формираат тимовите. Прифаќам сè што треба да направам и сакам од мене да се бара максимумот. Ова е дерби што сите го гледаат, а ти сакаш да играш вакви битки што бараат целосна концентрација“, изјави Родриго де Пол.
