Дебитираа двете големи засилувања на Каталонците – Барса пак е моќна, ги отвори старите рани на Атлетико Мадрид (Фото)

Барселона доби две големи засилувања, Адама Траоре и Пјер-Емерик Обамејанг, кои дебитираа за новиот клуб и интересно не беа заедно на терен.

Траоре беше во стартниот состав на шпанскито гигант во победата против Атлетико Мадрид со 4:2 и го одигра првиот меч, откако во зимскиот преоден рок пристигна од Вувлерхемптон како позајмен играч.

Имаше и асистенција за вториот гол што го постигна Гави за 2:1, а потоа беше заменет во 61. минута и на негово место влезе Обамејанг, кој исто така во овој преоден рок дојде во Барселона од Арсенал.

Во одличното дерби против шампионот Барселона го покажа стариот сјај, изгледаше моќно што е одличен знак за навивачите на шпанскиот гигант.

Чудесниот меч го зачинија и неколку интересни моменти. За Барселона стрелци беа сите дефанзивци, освен Пике, па Алба, Араухо и Алвеш погодија по еднаш.

Дани Алвеш на 38-годишна возраст е првиот фудбалер во Ла Лига од 2005 година што постигнал гол, имал асистенција и бил исклучен на ист меч.

1 – Dani Alves has become in the first @FCBarcelona player to score, assist and see a red card in a single @LaLigaEN game since, at least, 2004/05 season. Rollercoaster. pic.twitter.com/b8SuDwXDrT

— OptaJose (@OptaJose) February 6, 2022

Атлетико Мадрид само третпат во последните 10 години откако Диего Симеоне им е тренер прими 4, или повеќе голови, а тоа се случи во 2012 година кога Аргентинецот за првпат како тренер на Јорганџиите гостуваше на „Камп Ноу“.

3 – Atlético de Madrid have conceded 4+ goals for the third time in a single @LaLigaEN game under Diego Pablo Simeone, the first one since December 2012 also against Barcelona in the first game under the Argentinian at Camp Nou (4-1). Cycle? pic.twitter.com/SOVIFFVcj3

— OptaJose (@OptaJose) February 6, 2022

Мадриѓани губеа со 3:1 по првото полувреме и за првпат по 7 години примија тројка во првите 45 минути, а повторно Барса им ја наполни мрежата.

Последен пат 3, или повеќе погодоци Атлетико имаше примено во 2015 година, а и тогаш противник им беше Барселона, која победи со 3:2 на стариот стадион на мадриѓани, на „Висенте Калдерон“ во меч од шпанскиот куп.

3 – Atlético de Madrid have conceded 3+ goals in the first half for the first time since January 2015, precisely against @FCBarcelona in the Spanish Copa del Rey (2-3 win at Vicente Calderón). Roller. pic.twitter.com/MD5NeJPQoP

— OptaJose (@OptaJose) February 6, 2022

Со победата од 4:2 Барселона го прескокна денешниот ривал на четвртото место на табелата во Ла Лига.

Каталонците по 22 кола имаат 38 бода, а шампионот падна на петтата позиција со 36 бода.