Иако имаше шпекулации дека Енис Барди би можело да се обиде да игра на дуелот со Грузија со инјекција против болки, сепак тоа нема да се случи и фудбалерот на Леванте дефинитивно нема да биде меѓу патниците во авионот со кој тимот заминува во Грузија. Фудбалерите уште не се пристигнати на скопскиот аеродром, но точна е информацијата на еден шпански медиум кој објави дека Барди е на пат кон Валенсија.
Барди се повредил на првиот тренинг на националниот тим и не е во можност да игра. Останува неизвесноста околу Аријан Адеми, кој би требало да отпатува во Тбилиси, но не се знае дали ќе се ризикува и дали ќе може да настапи. Освен Барди, нема да отпатуваат ниту Кире Ристевски и Крсте Велкоски, кои добија позитивни резултати на второто тестирање за ковид-19.
