Дефинитивно: Ривер – Бока во Мадрид, со навивачи на двата тима!

Најавите се обвистинија, реванш-мечот од финалето на Копа Либертадорес помеѓу аргентинските ривали Ривер плате и Бока јуниорс ќе се игра на деветти декември, со почеток во 20.30 часот, во Мадрид. Стадионот „Сантијаго Бернабеу“ ќе биде сведок на еден од најважните мечеви во историјата на аргентинскиот клупски фудбал.

Според договорот, на трибините ќе биде дозволен влез на навивачи на двата клуба, нешто што немаше да се случи ако играа во Буенос Аирес. Судијата на мечот ќе биде Шпанец.

Ривер и Бока пет пати играле надвор од Аргентина. Билансот е по две победи за двата тима, и еднаш играле нерешено. Овојпат ќе мора да има само еден победник, кој исто така во декември, но во Абу Даби, најверојатно ќе му оди на мегдан на Реал Мадрид за титулата светски клупски првак.

Одлуката да се игра во Мадрид е затоа што важи за еден од најбезбедните градови во светот и тамошното присуство на голем број Аргентинци. Во текот на денов се појави информација дека од Бока резервирале 50 соби во еден мадридски хотел и уште тогаш беше јасно дека се чека само официјализација на веста дека ќе се игра во Шпанија, наместо на 24-ти ноември во Буенос Аирес, кога фановите на Ривер го нападнаа автобусот со фудбалерите на Бока.

ПОВРЗАНИ ВЕСТИ

- Оглас -

Најнови вести