Раководството на Барселона нема намера да купува нови фудбалери во зимскиот преоден рок. Ова го најави спортскиот директор на Каталонците, Деко, за шпанските медиуми.
„Нема да ангажираме нови фудбалери во јануари. Тоа не е дел од нашите планови“, рече Деко.
Според него, Барселона има доволно квалитетни фудбалери, кои надополнети со големите таленти од академијта ќе го сочинуваат ростерот на екипата за оваа сезона.
Сепак, Каталонците во моментов имаат големи проблеми со повредени фудбалери, а ваквата одлука се толкува како решение за финансиските проблеми и неисплатените рати за трансферите на фудбалерите од последните неколку години.
