Лил и Лион ремизираа при конечни 2-2 во мечот од рамките на 15. коло во Лига 1. Домаќините имаа шанса да го преземат второто место на табелата токму од нивниот денешен противник, но потфрлија во тој обид иако имаа предност од два гола.
За помалку од половина час игра, Реми и Пепе ја тресеа мрежата на Лопес за сигурни 2-0. Но, фудбалот се игра додека судијата не означи крај, а Лион во ниту еден момент не се предаде. Депај можеше да намали на 2-1 веќе во 48-та минута, но Холанѓанецот промаши пенал. Конечно гол за Лион постигна Траоре во 63-тата минута, а потоа во игра влегоа Дембеле и Фекир, па јасно беше дека Лион ќе притиска за израмнувачки погодок.
Измените на Генесио се исплатија, Дембеле во 86-тата минута израмни на 2-2, па Лион успеа да го задржи второто место на табелата во Лига 1 со 28 бода, еден повеќе од Лил.
