Недела е ден на волците, а двете екипи со ист прекар, Вулверхемптон и Волфсбург славеа победи. Англиските волци приредија сензација со победа од 2:0 против шампионот Манчестер сити, а германските очекувано го надиграа и победија Унион Берлин со 1:0.
Халанѓанецот Вут Вегхортс со гол во 69. минута ги разреши сите дилеми околу победникот на „Фолксваген арена“ и ја продолжи одличната серија на Волфсбург, кој остана единствениот непоразен состав во Бундеслигата.
Сега се на второто место со 15 бода, само еден помалку од лидерот Борусија Менхенгладбах. Со само 4 бода Унион Берлин е во зоната за испаѓање, со ист број бодови како и Келн, а и двете екипи се вратија сезонава во Бундеслигата.
