Само еден ден после домашниот пораз од 110-113, кошаркарите на Денвер му се реваншираа на Сан Антонио и славеа на негов терен после продолжение со 111-122, откако мечот во регуларното време заврши нерешено, 108-108.
Најдобар на паркетот беше српскиот интернационалец, Никола Јокиќ, кој мечот го заврши со 46 поени, 10 асистенции и девет скока, и за само еден скок не дојде до нов трипл дабл. Вембанјама натпреварот го заврши со 20 поени и 23 скока, но сите во регуларното време, додека во продолжението не успеа да постигне поен, ниту да направи скок, а неговата екипа постигна само три поени.
Резултати:
Бруклин – Филаделфија 94-123
Детроит – Минесота 119-105
Индијана – Феникс 126-108
Чикаго – Њујорк 139-126
Мајами – Јута 100-136
Сан Антонио – Денвер 111-122 (108-108)
Голден стејт – Мемфис 121-113
ЛА Клиперс – Атланта 131-105
