Српскиот кошаркарски интернационалец, Никола Јокиќ, го одигра својот најслаб натпревар оваа сезона и постигна само осум поени во победата на Денвер над Далас од 130-104. Ова за Јокиќ е третпат оваа сезона да не успее да дојде до двоцифрен ефект, но претходно двапати беше исклучен и не го дочека крајот на натпреварот и играше само 16 минути. Денес проблем не беа ниту личните грешки, ниту минутажата, и токму затоа овој меч е најслаб за Србинот оваа сезона.
Сепак, тројца други кошаркари беа расположени против Далас и ја донесоа победата. Џамал Мареј уфрли 22 поени, Арон Гордон 21 и Реџи Џексон 20. Кај поразената екипа одличен беше Лука Дончиќ со 38 поени, но неговиот поентерски ефект не му помогна на Далас да се спаси од пораз.
Резултати:
Кливленд – Хјустон 135-130
Индијана – ЛА клиперс 127-151
Филаделфија – Чикаго 104-108
Атланта – Детроит 130-124
Мајами – Минесота 108-112
Торонто – Шарлот 114-99
Оклахома – Мемфис 116-97
Денвер – Далас 130-104
Јута – Бруклин 125-108
Сакраменто – Вашингтон 143 – 131
ЛА лејкерс – Њујорк 109-114
