Холандскиот напаѓач Мемфис Депај откако потпиша за Барселона, изјави дека на дресот ќе му стои Мемфис, исто како кога игра за националниот тим. Депај всушност не го сака своето презиме.
Во 2012 година тој ги прекина сите врски со неговиот татко Денис Депај, човек од Гана, кој ја напуштил сопругата Кора кога Мемфис имал четири години и решил да формира семејство со друга жена.
„Никогаш нема да му простам. Не ме викајте Депај, обраќајте ми се со Мемфис. Не сакам да зборвам за тоа што се случуваше кај нас дома, не сакам некои луѓе да се срамат. Татко ми повеќше пати се обиде да стапи во контакт со мене, но раздорот е непоправлив. Немам никаков контакт со него и неговото семејство така и ќе остане“, вели огорчениот Депај.
