Рајли Кејс е момчето кое го има епитетот Супер навивач на Тотенхем. Рајли има само пет години и има големи здравствени проблеми, а докторите му предвидувале дека никогаш нема да може да оди.
Сепак, петгодишното момче, кое е голем борец, со постојани вежби и терапии успеа не само да застане на нозе и да оди туку и да шутира топка и да постигнува голови. Еден ден додека Рајли си играше фудбал во својот двор, на посета му дојдоа двајца фудбалери на Тотенхем, Бен Дејвис и Џо Родон. Тие го поканија детенцето да биде гостин на Тотенхем на 5 мај, кога се игра дербито против Арсенал, а на полувреме да шутира пенал.
„Здраво Рајли. Сме ги гледале твоите голови на видеоклипови и би сакале да те поканиме да дојдеш на дуелот против Арсенал и да шутираш пенал на полувреме. Слушнавме дека тоа е твојот сон, ќе сакаш ли да дојдеш?“, беше пораката која му ја пренесоа фудбалерите на Тотенхем на детенцето, кое со задоволство прифати да биде гостин на големото лондонско дерби.
Unmissable content. 💙
Ryley Keys was told he would never walk. After years of bravely building his strength and a surprise visit from Ben Davies & Joe Rodon, he’ll now take a penalty at @SpursStadium at May’s North London Derby. pic.twitter.com/q6Tud1Ibmd
— Tottenham Hotspur (@SpursOfficial) April 28, 2022