Садик Беј одигра феноменален меч за Детроит пистонс и му помогна на еден од најслабите тимови во НБА сезонава да го победи шампионот Милвоки бакс, и тоа на гостински терен.
Крилото на Пистонс погодуваше од сите позиции, а даде и кош од зад грб и со учинок од 34 поени, што му е рекорд на кариерата, го предводеше аутсајдерот до вистинска сензација и победа од 115:106 против Бакс.
https://twitter.com/DetroitPistons/status/1478203139216003073?s=20
Рекорд на кариерата и прв учинок од 50 или повеќе поени во 2022 година имаше фантастичниот бек на Атланта хоукс, Тре Јанг, но неговиот тим загуби со 136:131 од Портланд трејлблејзерс.
Јанг постигна 56 поени, а имаше и 14 асистенции, со што се запиша во историјата на НБА-лигата.
Ниту еден кошаркар пред Јанг не успеал да одигра меч со 55+ поени и 14+ асистенции.
Trae Young left it all out there.
Career-high 56 points.
Incredible. pic.twitter.com/jx9aAXizOE
— NBA (@NBA) January 4, 2022
Кај домаќините блескаше Енферни Симонс со 43 поени, што е исто така личен рекорд во НБА. Младиот бек на Портланд му ја посвети победата на својот дедо, кој почина еден ден претходно.
"I dedicate this whole game to him."
Anfernee Simons' heartfelt words on his career-best 43-point game after his grandfather passed away yesterday. pic.twitter.com/WxONxCAUqn
— NBA (@NBA) January 4, 2022
Резултати: Филаделфија – Хјустон 133:113, Вашингтон – Шарлот 124:121, Бруклин – Мемфис 104:118, Чикаго – Орландо 102:98, Милвоки – Детроит 106:115, Њу Орлеанс – Јута 104:115, Далас – Денвер 103:89, Портланд – Атланта 136:131, ЛА клиперс – Минесота 104:122.
