Само пред два дена НБА-лигата испрати службена забелешка кон Џа Морант поради начинот на којшто прославува по постигнат кош. НБА-ѕвездата од редовите на тимот на Мемфис на дуелот против Голден стејт по постигнат кош, се сврте кон клупата на противникот и гестикулираше како да пука со пиштол.
И покрај предупредувањето од НБА тоа да не се повтори, Морант тоа го направи и на дуелот против Мајами хит. Кошаркарот веднаш доби техничка грешка, а дисциплинската комисија на НБА го казни Морант со парична казна од 75.000 долари.
JA MORANT WITH THE GUN GESTURE AGAIN😳 pic.twitter.com/VbGyE5RBOd
— NBACentel (@TheNBACentel) April 4, 2025
Ова е најголемата парична казна изречена за кошаркар поради гестикулација по постигнат кош. Колку за споредба, во 2010 година Двајт Хауард беше казнет со 35.000 долари откако по постигнат кош гестикулираше чин на орално задоволување кон една жена.
