Јетон Беќири ја заврши мисијата во Струга Трим Лум, а двете страни се разделија по денешниот пораз во 22-рото коло од Шкупи со 1:2.
Џабе е што досегашниот тренер на Струга успеа да го одведе клубот до полуфинале во македонскиот куп, а Беќири ја плати сметката на пролетните неуспеси во домашното првенство.
Стружани во последните четири кола претрпеа три порази и имаат само едно реми и сè уште се без триумф во пролетниот дел од шампионатот, па стигна и доказ за досегашниот тренер.
„Тренерот Беќири одлучи да се повлече по поразот од Шкупи. Му се заблагодаруваме за досегашната соработка и му посакуваме многу среќа во иднина“, објавија стружани.
По неуспехот денеска и поразот од 1:2 со Шкупи, Струга падна на осмата позиција со 25 бода, колку што има и Работнички, а имаат само еден бод повеќе од фенерџијата Борец.
Две екипи директно испаѓаат во Втората лига, а осмопласираниот состав ќе игра бараж за опстанок.
